firqaparasti...

tere naam pe kya kya ya rab kahte hain
kuchh log nafrat ko mazhab kahte hain

zahar gholi jaati hai jahaan masoom nason mein
sheikh jee aisi imaarat ko maktab kahte hain

faqat mohabbat ki zabaan to boli humne
phir kyun deewana hamein sab kahte hain

jo qaatil thhe bane baithe hain maseeha
qaatil ko aakhir qaatil kab kahte hain

hamein kahan shauq zamana badalne ka
ghazal to hum yun hi besabab kahte hain